»نشرت فى : الاثنين، 18 أبريل، 2016»بواسطة : »ليست هناك تعليقات

تنبيه خطير اجهزة ابل | Apple ID




تنبيهات لمُستخدمين ‎iOS‬ ..

أول حاجة أحب أقولها إن الـ Apple ID بتاعك أهم من بطاقة الرقم القومى نفسها
، تحافظ على بياناته كويس جداً فى مكان آمن لأن من خلاله ممكن يتعمل حاجات كتير فى جهازك .

معظم مستخدمين الـ iOS أول مابيجيبوا جهازهم بيكونوا مايعرفوش فيه أى حاجة وكتير جداً منهم بيخلوا شخص تانى يعملهم الـ Apple ID ، سواء كان الشخص اللى اشتروا منه الجهاز أو شخص تانى معرفة ، اللى هو مايعرفوش بقى إن ده شئ فى مُنتهى الخطورة لأن كده شخص تانى عارف باسوورد أكونتك بما إن صاحب الجهاز بيكسل يغير الباسوورد والإيميل فالشخص اللى عمل الأكونت ده ممكن ببساطة يقفلك جهازك خالص عن طريق الاكونت ويبتزك ويطلب مبلغ علشان يفتحلك الجهاز ، ناهيك عن إنه هيقدر يوصل للصور الخاصة بيك لو إنت عامل Sync مع الـ iCloud ، علشان كده يُفضل دايماً إنك تقفل الـ Sync بإنك تروح لـ

Settings > iCloud > Photos > Off

وحل الموضوع ده إنك تعمل أكونت تانى لنفسك ماحدش يعرف بياناته غيرك .

 لو إنت مشترك فى جروبات خاصة بالـ iOS ممكن تلاقى شخص ناشر بيانات أكونت وبيقول إن عليه أبلكيشنز مجانية وأى حد يقدر يدخل بالأكونت ينزلها ، الموضوع ده بردو خطير لنفس السبب اللى فى أول نقطة ، لو دخلت الأكونت فى الـ iCloud من الـ Settings هبقى له تحكم على جهازك ويقدر يقفله بسهولة ، حل الموضوع ده إنك تدخل الأكونت فى App Store نفسه مش من iCloud ، هتدخل App Store وتنزل لتحت خالص هتعمل Sign Out وتدخل بالايميل اللى إنت عايزه ، ياريت الناس تاخد بالها من النقط دى لأن بالرغم إنها حاجات بديهية لأى مُستخدم iOS إلا إن لسه فى ناس بتتخدع فيها .

لو قابلتك أى مشكلة من أى نوع فى جهازك ماتترددش فى إنك تتواصل مع Apple Support من خلال اللينك ده

تقدر تكلمهم شات أو تسيب رقمك وهما هيكلموك وهيفضلوا معاك لغاية ماتتحل مشكلتك ..

شارك الموضوع مع اصدقائك لو عندك اى استفسار لا تتردد فى السؤال



    اضف تعليقاً عبر:

  • blogger
  • disqus
design by : bloggerinarab, powered by : blogger
كافة الحقوق محفوظة لمدونة الصاعق للمعلوميات 2014 - 2015