»نشرت فى : الثلاثاء، 19 أبريل، 2016»بواسطة : »ليست هناك تعليقات

ماهى المستشعرات وكيفية عملها ( Sensores )

القانون بيقول إن لكل فعل رد فعل .. 
القانون ده يُعتبر هوا فكرة عمل مستشعر الموبايل ؛ لأنُه بيخرج لك بعض النتائج عن طريق بعض المُعطيات ..

المُستشعر هوا الجهاز اللي بيستجيب لحوافز مادية زي ( الضوء ، الصوت ، الحركة ، الحرارة ، الضغط ، المغناطيسية ، الإيماءات ، .. إلخ ) وعلي أساس الحافز ده بيديك نتيجة معينة ..

مش فاهم حاجه ؟! خليك معايا

---

النهارده هنتكلم عن المستشعرات ( Sensores ) ، وعن وظيفة كل حساس موجود في الموبايل ، ‏‎

- المستشعرات في الأندرويد بتنقسم ل 3 أنواع ( مستشعرات حركة - مستشعرات البيئة - مستشعرات المكان ) ، هنتكلم عنهم بالتفصيل ، وعن فوائدهم ، وعن توافق كل مستشعر مع نظام التشغيل .


=====


- حساس القُرب ( Proximity ) :
حساس موجود في الموبايلات بدايةً من أصدار 1.5 ، المهم ده فيه مستشعر مُذبذب إشارات بيحس بأقتراب جسم منه عن طريق الموجات اللي بيبعتها للجسم وترجع له تاني ، فبيفتح أو يقفل دائرة كهربائية " زي شاشة الموبايل " علشان كده لما بتتصل وبتحط الموبايل علي ودنك الشاشة بتنطفي ؛ علشان بشرتك متضغطش علي أي أختيار أثناء المُكالمة


حساس أساسي في أي موبايل بدايةً من أندرويد 1.5 ، وظيفته  إنه بيستشعر أنتا ماسك الموبايل في أنهي وضع بالطول ولا العرض ؛ وبيعدل لك الشاشة علي الوضع ده .. مسئول عن الـ ( Auto Rotation ) ..


- حساس تحديد الاتجاه ( Gyroscope ) :
وجوده بيكمل حساس التسارع ؛ لأنه بيقيس حركة الموبايل من خلال الزوايا عن طريق تحديد موقعه عبرالـ 3 محاور ( X و Y و Z ) ، لما بيجتمع هوا وحساس التسارع بيكسروا الدنيا  وبيشغلوا حاجه أسمها الواقع الأفتراضي ، متعرفش إيه الواقع الأفتراضي ؟ أنزل تحت


من غير مصطلحات ملهاش لزمه تعرفها ، ومن الأخر كده الحساس ده بيقيس قوة الإضاءة المُحيطة بيك ، وبُناءً عليها بيزوًد أو يقلل قوة سطوع الشاشة ..

عارف أختيار الـ ( Auto Brightness ) هوا ده المستشعر اللي بيتحكم في الأمكانية دي ‏


- الباروميتر ( Barometer ) :
حساس بيُستخدم في الأرصاد الجوية ؛ علشان يقيس الضغط الجوي ، والتنبؤ بالتغيرات قصيرة المدي في الجو ودرجات الحرارة ، زائد إنه بيساعد الـ GPS في تحديد الموقع بسرعة عن طريق تحديد أرتفاع موقعك بشكل أسرع وبيبعت المعلومات دي لبطاقة الـ GPS ..


- البوصلة ( Compass ) :
الحساس ده مبيشتغلش لوحده  بيعتمد علي حاجه أسمها ( Magnetometer ) علشان يحدد المواقع عن طريق الجاذبية الأرضية .. وهوا المستشعر الأساسي اللي بتعتمد عليه البوصلة في تحديد الأتجاهات والقبلة زي في تطبيق الأذان ..


- مستشعر الرطوبة ( Air Aumidity ) :
حساس موجود في بعض الأجهزة الحديثة ، بيقيس نسبة الرطوبة في الجو ..


- عداد الخطوات ( Pedometer ) :
باين من أسمه بيحسب عدد الخطوات اللي المستخدم بيمشيها ، بيحسب عدد الخطوات بدقة وأستهلاك قليل في الطاقة ، موبايل Nexus 5 اللي  الحساس ده مُدمج فيه ..


- حساس الإيماءات ( Gesture Sensor ) :
الحساس ده بيقدر عن طريق الموجات الكهرومغناطيسية إنه يحدد حركة معينة الإيد بتعملها ، فبيدي الموبايل أمر إنه ينفذ أمر مُعين بيكون المُستخدم مخَزنُه قبل كده ..

وكل إيماءة وليها معني وشكل غير التانية ..


- مقياس نبضات القلب ( Heart Rate Sensor ) :
وده حساس بيقيس نبضات القلب عن طريق إنُه بيحس بنبضات قلب حضرتك عن طريق موجات راديو بسيطة .. الحساس ده موجود في موبايلات زي الـ S5 والـ Note 4 .


=====



الى هنا انتهى موضوع هذه التدوينه دمتم فى رعاية الله حتى نلقاكم فى موضوع جديد ان شاء الله



    اضف تعليقاً عبر:

  • blogger
  • disqus
design by : bloggerinarab, powered by : blogger
كافة الحقوق محفوظة لمدونة الصاعق للمعلوميات 2014 - 2015