»نشرت فى : الاثنين، 18 أبريل، 2016»بواسطة : »ليست هناك تعليقات

مفاتيح مهمه تستخدمها للبحث عن اى جهاز قبل شراؤه !!!

بعض مفاتيح البحث على يوتيوب قبل ما تستخدمها قبل ما تشترى أى جهاز انت عايزه ،،



قبل ما تشترى أى جهاز بشكل عام أو فون بشكل خاص لازم تبحث كويس عنه على جوجل و يوتيوب علشان تعرف أكتر عنه وتعرف هل مناسب ليك ولا لأ ودى بعض صيغ البحث اللى ممكن تستخدمها ، هتستبدل إنت Device Name بإسم الجهاز اللى بتدور عليه ..

1 - Device Name Unboxing

ودى تستخدمها لما تكون عايز تشوف فيديو عن فتح الصندوق الخاص بالجهاز ده وتعرف ايه المحتويات اللى فى العلبة والملحقات اللى بتيجى معاه .

2 - Device Name Hands-on
3 - Device Name First Impressions
4 - Device Name Review/Full Review

دول بتستخدمهم لما تحب تشوف إستخدام فعلى للجهاز وخصوصاً لو كان فون .
5 - Device Name Vs Device Name
6 - Device Name And Device Name Comparison

دول بتستخدمهم لما تيجى تقارن مابين جهازين وعايز تشوف مين الافضل فيهم .
7 - Device Name Specs
وده علشان تعرف إمكانيات الـ Hardware للجهاز ده من Ram و Processor وخلافه
8 - Device Name Bend Test
إشتهر النوع ده من الفيديوهات بعد ما صدر iPhone 6 & 6 Plus وكان فيهم مشكلة سهولة الإنحناء فالصيغة دى بتوريك إختبار إنحناء للجهاز ده وهل ده سهل يحصل ولا لأ .
9 - Device Name Drop Test
وده إختبار لسقوط الجهاز وبيوريك الاضرار اللى بتحصل ليه .
10 - Device Name Problems
وده هتلاقى فيه المشاكل اللى ممكن تحصل فى الجهاز ده وعيوبه .
11 - Device Name Benchmark
وده علشان يوريك أداء الـ Processor بإستخدام أى برنامج Benchmark زى Geek Bench أو Antutu .
لو إنت مهتم أكتر بالـ Specs ومش عايز تفتح يوتيوب ممكن تستخدم الموقع ده بيجيبلك بيانات تفصيلية عن كل الـ Hardware الخاص بأى فون موجود


    اضف تعليقاً عبر:

  • blogger
  • disqus
design by : bloggerinarab, powered by : blogger
كافة الحقوق محفوظة لمدونة الصاعق للمعلوميات 2014 - 2015